አዲስዓለም ሁከትና ግጭት ለመቀስቀስና ታጣቂዎችን ለመደገፍ ሲሰሩ ነበር- መርማሪ ፖሊስ

አምባሳደር አዲስዓለም ባሌማ ለአምስተኛ ጊዜ በዛሬው እለት ፍርድ ቤት ቀርበዋል።

የፌደራል ፖሊስ የምርመራ ቡድን በፌደራል የመጀመሪያ ፍርድ ቤት አራዳ ምድብ የጊዜ ቀጠሮ ችሎት ከዚህ በፊት በተሰጠው 14 ቀናት ውስጥ የሰራውን የምርመራ ስራ ይፋ አድርጓል።

ተጠርጣሪው ኢትዮጵያ ከሌሎች ሀገራት ጋር ያላትን ዲፕሎማሲያዊ ግንኙነት ለማሻከር ወይም ለማቋረጥ ሲሰሩ ነበር ፣ ከዶክተር ደብረፂዮን ገ/ሚካኤል ጋር በጋራ በመሆን በምዕራብ ወለጋ ለኦነግ ሸኔ ታጣቂዎች የግብዓት እና የገንዘብ ድጋፍ በማድረግ ደረጃ ሲሰሩ እንደነበር እንዲሁም ከእነ አቶ ጌታቸው ረዳ ጋር በመሆንም ሁከት እና ግጭት ለመስቀስ ሲሰሩ እንደነበር የሚገልፅ የቴክኒክ እና ሌሎች ማስረጃዎች መሰብሰቡን መርማሪ ፖሊስ ገልጿል።

እንዲሁም ከ100 በላይ የሰዎች ምስክር መቀበሉን እና በመሰረተ ልማት ላይ የደረሰ የጉዳት መጠንን በባለሙያ አስለይቶ ከምርመራ መዝገቡ ጋር ማያያዙንም ነው የገለጸው።

በቀሪ ስራዎች ማለትም ወደ ትግራይ ክልል የተላከው የምርመራ ቡድን ውጤቱን ለማምጣት እና ለቀሪ ስራዎች ተጨማሪ ጊዜ እንደሚያስፈልገው መርማሪ ፖሊስ አስታውቋል።

ተጠርጣሪውም ያረፈደው ጠበቃቸው እስከሚመጣ ልጠብቅ ማለታቸውን ተከትሎ ችሎቱ ከ30 ደቂቃ በላይ ጠብቆ ጠበቃቸው ባለመቅረቡ መዝገባቸውን ለመመልከት ተገዷል።

በዚህ ጊዜ ተጠርጣሪው የዋስትና ጥያቄ ያነሱ ሲሆን ፍርድ ቤቱም የዋስትና ጥያቄያቸውን ውድቅ በማድረግ መርማሪ ፖሊስ ያቀረበው ምክንያት ተገቢ መሆኑን በመግለፅ 14 ተጨማሪ ቀናት ፈቅዷል።

መዝገቡ ከተጠናቀቀ በኋላ ችሎት የደረሱት ጠበቃቸው አስተያየት ልስጥ ያሉ ቢሆንም ከበቂ በላይ ተጠብቀው መዝገቡ በመታየቱ ፍርድ ቤቱ ጥያቄያቸውን ውድቅ አድርጓል።

በታሪክ አዱኛ FBC

Related posts:

ደብዳቤ ለኢትዮጵያ - ከቢልለኔ ስዩም
የዓለም ባንክ የ300 ሚሊየን ዶላር የድጋፍ ስምምነት ፈረመ
"እናቴ ፍጹም እስር ቤት እንድትገባ አልፈግም" ብሎ እግሩን ያጣው ወጣት ምስክርነት ለሮይተርስ
"አልዘምትም" ወይም "ከጠላት ጎን እሰለፋለሁ" ማለት ሲቻል ማውሰብሰብና ማድበስበስ አይገባም!
አብዱላሂ ፋርማጆ ለአዲሱን ፕሬዝዳንት «ሁሉም ወገኖቼ እንዲደግፉህና እንዲጸልዩልህም እጠይቃለሁ»
መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”

Leave a Reply