በሰሜን ወሎ ዞን በሚገኙ ኬላዎች ላይ በሚካሄድ ጥብቅ ፍተሻ ሰርጎገቦች እየተያዙ ነው

በሰሜን ወሎ ዞን መቄት ወረዳ ወቄ፣ ፍላቂት ገረገራ፤ እና ኮኪት አካባቢዎች በሚገኙ ኬላዎች ላይ በሚካሄድ ጥብቅ ፍተሻ በየቀኑ ከሁለት እስከ ሶስት ሰርጎ ገቦች እየተያዙ መሆኑን የኢትዮጵያ ፕሬስ ድርጅት ያነጋገራቸው አስተያየት ሰጪዎች አረጋግጠዋል።

ዘጋቢዎቻችን በሰሜን ወሎ ዞን ወቄጣ ኬላ ፍተሻ ሲያካሂዱ ያገኗቸው ሚሊሻ ጌታያ አዳነ በጥብቅ የኬላ ፍተሻው አሸባሪ ቡድኑ አማራ ክልልን ከወረረ በኋላ የተሰጡ አዳዲስ መታወቂያዎችን የያዙ ሰርጎ ገቦች፣ ሁለትና ሶስት አይነት መታወቂያ ያላቸው ጸጉረ ልውጦች እንዲሁም ህገወጥ መሳሪያ የያዙና የሽብር ቡድኑ ሰላዮች በኬላ ፍተሻዎች ላይ መያዛቸውን ገልጸዋል።

አካባቢው ከገረገራ ወደ ጋሸና በሚወስደው አውራ ጎዳና የሚገኝ ዋና መተላለፊያ መንገድ በመሆኑ የወራሪው ቡድን ሰርጎገቦች እንዳያልፉ ጠንካራ ቁጥጥር እየተደረገ እንደሚገኝ ተናግረዋል።

በኮኪት ኬላ ፍተሻ ያገኘናቸው ወጣት አለበል አረጋና ወጣት ጥላሁን ጌታዬ፤ ለፍተሻው ስራ 20 ወጣቶች በመደራጀት ቀንና ሌሊት ጭምር በበጎ ፈቃደኝነት እየሰራን ነው። በአሁኑ ሰዓት ማንንም ማመን ስለማያስፈልግ የትኛውንም አይነት መንገደኛ እያስቆምን ስለህጋዊነቱ ማጣራት እናደጋለን። ወጣቱ ተደራጅቶ የኬላ ፍተሻውን በማጠናከሩ በየቀኑ ሁለትና ሶስት ሰርጎ-ገቦች እየተያዙ መሆኑን ገልጸዋል።

በፍላቂትና ገረገራ ከተማ አስተዳደር ነዋሪ የሆኑት አቶ ሲሳይ መቆያ በበኩላቸው፤ “ወጣቶቹን ላግዝ ብዬ በኬላ ፍተሻው ላይ ተገኝቻለሁ። ከዚህ በፊት በነበሩ ልምዶች የሐይማኖት አባት አሊያም የተቸገረች ሴት በመምሰል ሊያልፉ የሞከሩ ሰላዮች ተይዘዋል” ብለዋል።

በመከላከያ ሠራዊት የ51ኛ ክፍለጦር የ4ኛ ሬጅመንት አዛዥ ሻለቃ ደስታ አመንቴ ወጣቶችና ሚሊሻዎች በኬላ ፍተሻ ስራው ከመከላከያ ጋር ተቀናጅተው እየሰሩ ይገኛል ለዚህም ምስጋና ይገባቸዋል ብለዋል።

በጌትነት ተስፋማርያም (ወቄጣ) (ኢ ፕ ድ)

Related posts:

መንግስ የጸጥታ ሃይሎች ለየትኛውም ዓይነት ትንኮሳ ምላሽ ለመስጠት ዝግጁ ማድረጉን አስታወቀ
በትግራይ 5.2 ሚሊዮን ሕዝብ ዕርዳታ እየደረሰ ነው፤ ከሺህ በላይ የጭነት መኪኖች ታግተዋል፤ 76 ቢሊዮን ብር ወደ ትግራይ ተልኳል
የደህንነት ጥናት አዲሱ ምዕራፍ - ጂኦስፓሻል ኢንተለጀንስ
ዳግም ጦርነት እንዳይጀመር ስጋት የገባው ኢሰመኮ የማስጠንቀቂያ ጥሪ አሰማ
"ህሊናን የሚፈታተን" የተባለ ሪፖርት ይፋ ሆነ - አማራ ክልል በተወረረበት ወቅት ግብረርሰዶም መፈጸሙ ተገለጸ
ፊንላንድ 3.6 ሚሊዮን ሕዝብ የሚይዙ ዋሻዎች አዘጋጀች - ለኢትዮጵያውያን ጠቃሚ የጥንቃቄ መረጃ
"አሸባሪው የትግራይ ወራሪ ቡድንና የጥፋት ኃይል ዳግም ከሞከረ የማያዳግም ቅጣት ይጠብቀዋልʺ
ሻዕቢያና ትህነግ - ሰሞኑን ይህ ሆነ
ትህነግ ጦርነት እንደሚከፍት ይፋ አደረገ፤ አማራ ክልል "ለክተት ተዘጋጁ"አለ፤ መከላከያ በተጠንቀቅ ላይ ነው
ወልቃይት "የወር ስንቅህን አዘጋጅተህ ለክትተ ጥሪ ተዘጋጅ”
በሶማሊያ በሚንቀሳቀሰው አልሸባብ የሽብር ተልዕኮ የተሰጣቸው ስድስት ግለሰቦች በቁጥጥር ስር ዋሉ
አማራ ክልል ትህነግ ዳግም ጦርነት ስላወጀ የ"ዝግጁነትን" አዋጅ አወጣ
ኡጋንዳ ፀረ-ኢትዮጵያ ለሆኑ ሃይሎች ከለላና ድጋፍ እንደማታደርግ አስታወቀች፤ የሚወራው ሃሰት ነው አለች
በአገር አቋራጭ የሕዝብ ትራንስፖርት አገልግሎት ላይ የትራንስፖርት ታሪፍ ማሻሻያ ተደረገ
በዳኝነት ስርአቱ ላይ የሚታዩ የሙስና ተግባራትን ለመከላከል የሚያስችል ስትራቴጂ ይፋ ሆነ

Leave a Reply